







歌手关心妍(Jade)日前「衣锦还乡」,在家乡佛山南海举行《听2026 演唱会》,吸引近5千乐迷买飞支持,全场爆满,好友张栢芝亦送上花篮恭贺,而老公与囡囡杨荣心(心心)亦有到场支持,演唱会开始时,Jade一口气唱出多首金曲,更用南海话「自家人」与「乡里」打招呼!重返「主场」开个唱,Jade一共準备5套服饰:「其实我都成日返嚟(佛山),真係好感谢家乡庇佑,可以每年都喺度开演唱会。真係仲密过香港开骚。其实每次嚟到都有带心心睇吓,但每次都来去匆匆,做完show第二日又要走,加上佢要返学,所以佢都未好有『家乡』嘅Concept。」 关心妍表示今次巡迴个唱的主题由2025年开始,一直希望将个唱带回香港做终点站:「其实上次红馆20周年开始,已经差不多五年时间,亦就快出道25周年,忽然间嚟到25周年,一直都希望最后站係返香港,我哋都睇吓红馆个期批唔批,希望可以返去红馆,有机会可以喺红馆做我25周年香港站。」而在佛山表演当晚,心心亦有担任「嘉宾」,并负责打鼓与Jade合奏《负担不起》,令观众非常有新鲜感:「因为我好想俾歌迷见吓心心,唔经唔觉咁大个女,我问佢红馆试过打翻觔斗、合唱、清唱,我觉得佢又长大咗,咁啱佢开始学打鼓,我叫佢练下先, 练到差唔多就帮我打,佢真係苦练半年!头先台上我都唔敢望佢,忍住唔好打搅佢,佢好淡定但我就紧张到背脊出汗,依家係佢表演完我鬆一口气!」
© 版权声明
文章版权归作者所有,未经允许请勿转载。
THE END
喜欢就支持一下吧











![表情[hanxiao]_巨星娱乐网_最新最全内地香港澳门台湾日韩欧美电影电视流行音乐乐坛综艺明星偶像娱乐圈新闻](https://www.xyhbcc.com/wp-content/themes/zibll/img/smilies/hanxiao.gif)
暂无评论内容