张智霖未必拍续集:冇可能突破

由张智霖、吴卓羲主演的无綫台庆剧《璀璨之城》前晚大结局,收视及讨论度齐被推上沸点。不少观众意犹未尽,网上连夜关注「不解谜团」之余,更力推张智霖登上本届视帝宝座。对于开拍续集,张智霖昨日受访暗示个人未必再下一城,因为「已极致、难再突破」。男神张智霖(Chilam)与吴卓羲、女神张曦雯、高海宁、陈晓华及陈滢等前晚于澳门出席《璀》剧大结局播放活动,吸引海量粉丝到场支持。今次Chilam扮演大奸角「官孝贤」,演技博得不少观众认同,大结局前夕上演一幕两分半钟的「泪之独白」,于亡母灵前诉心声,由自豪、脆弱到默默落泪,演活角色的无奈与悲哀,大结局则上演「自灌毒牛奶」,最终吐血身亡,画面震撼!活动上,高海宁睇到哽咽表示:「感受到官孝贤努力向上爬嘅孤独,要牺牲好多事。」令Chilam闻言流下男儿泪。对于网民洗版式支持,Chilam感动非常,他昨日接受东网独家访问时笑说:「净係讲嗰两分半钟演出,咁就真係惨喇,我集集都好用心去演,尽晒力㗎!寻晚(前晚)完骚后我都谂番起,呢个Project首次同我接触係2024年10月,即係话前后经历咗咁耐,一个好嘅作品真係唔可以仓卒成事,一切谈何容易呢?」犹记得当初《璀》剧开拍之初,他曾同时要兼顾内地综艺节目《披荆斩棘》录製:「好彩后嚟剧集停工修改,我可以先完成《披》节目再归队,原来老天自有安排,如果唔係,真係要咗我条老命喇!」无綫高层曾励珍前晚开绿灯欲筹拍《璀2》,他却暗示自己未必再下一城:「咁惨同咁坏嘅角色,对我嚟讲已经演极致,如果再演戏嘅话,想试唔一样嘅角色,因为冇可能再突破到喇!(今次算係代表作?)代唔代表作交畀观众评论。」前晚Chilam对于外界认定他是本届视帝之选,他笑谓:「希望大家认同我演员嘅身份。我好似都做过几次(颁奖礼)嘉宾,咁我……算唔算升呢?(係时候上台攞?)冇谂,到咗依家呢个年龄,都係有能力嘅时候尽量演好角色,观众睇得开心係我最大嘅收成。」至于会否出席颁奖礼,则要视乎会否跟演唱会撞期,他说:「全剧都花咗好多心机去突破自己,所以我祝福《璀璨之城》会係最佳剧集。」今次演奸角成功,他自爆下一步想挑战当导演,并回应早前指张曦雯「唔输得」才演出半裸戏,纯属戏言。高海宁为张曦雯「裸」得少解画高海宁则指剧集收视好,要感激观众。提到台庆颁奖礼,她信心十足:「我谂呢套剧会好多提名,因为每个人都有Talking point。」张曦雯的半裸戏由原先的7分半钟被删剪只剩2秒,问到会否戥对方可惜,高海宁解释:「其实只係剪开咗两段,即係同一场戏,摆咗喺上集尾同下集头播,成场戏差唔多有4、5分钟。(性感戏剪剩2秒。)不嬲都係咁短,真嘅!」她又明言如开续集要睇剧本再决定,不想为拍而拍。至于吴卓羲与张曦雯「CP档」受访,谈到裸露戏被删减,张曦雯表示:「我觉得做演员最紧要场戏表达到个情绪,表达唔到先会可惜。」她又补充若剧组决定播足本版,自己亦不介意。当提到婆婆对吴卓羲印象不错,她更向婆婆表示过「你锺意边个,我就沟佢返嚟」,张曦雯红着面说:「唔使我沟啦,好热呀依家!(对方出咗手,所以唔使沟?)问阿婆点答先。」记者继续追问,她才按捺不住笑答:「出咗(手)喇,满意未呀?」而吴卓羲表示期待下次能再跟Chilam合作。另外,不少剧迷睇完大结局,即开始于网上讨论《璀》剧7大不解之谜,包括Chilam当年是否误杀生母、吴卓羲为何突然原谅Chilam、江美仪是真傻定扮疯?种种悬念令剧集余温未了,对无綫开拍《璀2》之说,自然举脚赞成。去饮变「相睇」 陈滢笑JW做媒失败陈滢、陈晓华与高海宁在《璀璨之城》的感情轇轕惹起网民热议,前晚3人出席大结局夜时,陈滢被问到喜欢陈晓华还是高海宁时,她笑说:「都咁大个啦,做咩要拣?小朋友先至要拣。」问到会否希望开续集?她表示希望能演出同一角色。至于陈晓华获网民力推她与江美仪争「最佳女配角」,她表示角色于第3集已离开,对大家仍记得她感高兴。另外,陈滢的好友王灏儿(JW)终认婚讯,她说:「恭喜晒佢,戥佢开心搵到一个咁好嘅老公。(JW话辛苦朋友为佢守秘密一年。)佢想几时公布係佢嘅自由,我哋都Respect。」谈到朱敏瀚与周嘉洛投诉冇份参加婚礼,她代JW澄清:「唔係冇邀请,係佢两个拍紧剧,所以去唔到。」她指JW有于婚礼上为她介绍男士,但可惜席间大多数男士也已婚。

© 版权声明
THE END
喜欢就支持一下吧
点赞263 分享
评论 抢沙发
头像_巨星娱乐网_最新最全内地香港澳门台湾日韩欧美电影电视流行音乐乐坛综艺明星偶像娱乐圈新闻
欢迎您留下宝贵的见解!(本站无需注册,支持匿名评论)
提交
头像_巨星娱乐网_最新最全内地香港澳门台湾日韩欧美电影电视流行音乐乐坛综艺明星偶像娱乐圈新闻

昵称

取消
昵称表情代码图片快捷回复

    暂无评论内容