




视帝陈豪、云浩影、乐队太极雷有辉与邓建明等,今日(22日)现身沙田马场出席活动。陈豪主演剧集《玫瑰战争》正在热播中,甫到场即被记者大喊角色名字「生哥」,他直言目前走在街上也会听到途人这样的称呼:「都几开心,证明剧集有人追睇。(罗嘉良大讚你演得好。)偶像讚我仲开心过得奬。成部剧热度几好,观众嘅锺意程度同大家讨论度,都比想像好。」对于网民形容他「连皱纹都有戏」,陈豪搞笑回应:「不嬲都有,哈哈﹗坦白讲,当我哋专注喺演戏嗰阵,你话点样衰,都全部都抛开晒,冇理呢啲嘢。(好耐冇演过咁衰嘅角色?)好耐冇扮过野兽。(喺屋企先做?)唔得,屋企咁多小朋友。(入房先做啰。)I like it!你哋(指记者)好坏,但我锺意呀!」谈到角色最终不得善终,被林夏薇找来的黑帮割喉惨死,陈豪表示当时不觉得是在演戏:「我完全投入角色,直头觉得自己就係『生哥』,生哥喺我理解下天生就係野兽,知道好多人好想帮呢个角色讲好话,其实唔需要,唔使帮佢讲,坏人就係坏人。」陈豪坦言未有让子女欣赏自己演出:「佢哋好早上床瞓,但都知道父母係演员,咁间中睇吓(自己演出)可以,但我唔想佢哋成日睇电视。」剧中他经常放声痛駡姚子羚,陈豪表示「好爽」﹕「我脾气其实唔係咁好,终于有渠道畀我宣洩吓,我最锺意发自己脾气,球拍都唔知打烂几多磈!(平日有闹小朋友?)有,但知道发恶唔係正确嘅教导方法,都会控制自己,我最唔锺係小朋友心散,咁就会以严厉方式让他们专心。」提到无綫主席许涛日前宣布将同时开拍5套剧,陈豪回应自己佔其中一部时装剧,但详情暂不方便透露。至于来年公司于启德主场馆举行大骚,他即笑言:「卖飞嘅话如果有我份,就点都要唱(歌)。(之前话你歌艺『坠机』喎。)我会唱番架飞机飞返上去,哈哈!」至于云浩影(Cloud)受访时则自言平日少下注,六合彩细奬也从未中过,不过她却忽萌奇想谓:「头先谂起养马,连马名都谂好叫『移形换影』,努力工作向呢个方向迈进啦,可以同朋友夹份嘛。」谈到下月圣诞,她表示近日工作已开始忙碌,希望一直有工作没假放。记者打算问她会否担心没时间陪男友T-Ma,她爽快回应:「唔使啦,佢到时都可能唔喺香港,我都有好多朋友陪嘅。」至于会否跟对方交换礼物,她表示:「可能最近太忙,都唔记得咗呢样嘢,不过我想同身边团队交换多啲,因为佢哋好搞笑,会搵啲屋企唔等使嘅嘢嚟交换,我收过夹大腿修身用嘅嘢,都唔知有冇用,根本好难夹!」
© 版权声明
文章版权归作者所有,未经允许请勿转载。
THE END
喜欢就支持一下吧











![表情[hanxiao]_巨星娱乐网_最新最全内地香港澳门台湾日韩欧美电影电视流行音乐乐坛综艺明星偶像娱乐圈新闻](https://www.xyhbcc.com/wp-content/themes/zibll/img/smilies/hanxiao.gif)
暂无评论内容