

男团ERROR成员肥仔和193出席机场活动,谈及肥仔和天王级歌手的合唱新歌《等我揽住你》MV製作费重本,不过193的个人单曲《321 Go Shoot》MV,除自资推出,因悭钱关係仅用4位数字,兼且用手机拍摄,两人待遇天差地。193接受访问时表示:「自己攞钱出嚟,梗係唔用咁多钱啦,自己做自己锺意嘅嘢, 都冇乜所谓啦。(公司连一毫子都冇帮你出?)我哋唔讲公司嘢啦,之前2,3首歌啲钱都係自己出钱,自己想做,但冇咁多Support,惟有自己做。(同肥仔首合唱歌製作费差好远喎?)咁要问番公司啦。(有冇Hard Feeling?)冇话Hard唔Hard Feeling,咩都试过,冇咩所谓啫,攞少少成本。(公司唔係要支援你?)我唔知呀,公司嘢交番畀公司处理啦,我唔方便讲。(有冇同公司申请Budget?)有时啲嘢唔係想有就有,当然有同公司讲过,但我又唔係赚唔到钱,都觉得OK,舒服嘅,都冇所谓,讲明首歌係玩,有歌冇理由冇MV咪自己拍吓啰,因为我锺意爆旋陀螺,本身今年我係冇歌嘅,现有歌出好开心,我撑番公司,一阵又话我投诉,都尊重公司,首歌会派电台,但唔宣传,因为都要钱,不如留番下年,有大Budget再做大啲宣传。(係咪因为首歌唔够商业先唔支援?)我个人好商业。」谈到ERROR亦迎8周年,可会推出新团歌或举行演唱会?193说:「我哋唔方便回答要问番公司?再答我又唔见(雪藏)㗎啦。」肥仔透露12月2日将举行一日两场的Fans Meeting,193表示:「嗰日係闲日,所以有啲花臣,怕啲人难请假,上及下场玩嘅嘢係唔同,希望大家嚟晒两场。」肥仔又说暂未计划有团歌或演唱会,问可恨有歌或骚?193透露稍后公布个人有新搞作。
© 版权声明
文章版权归作者所有,未经允许请勿转载。
THE END
喜欢就支持一下吧











![表情[hanxiao]_巨星娱乐网_最新最全内地香港澳门台湾日韩欧美电影电视流行音乐乐坛综艺明星偶像娱乐圈新闻](https://www.xyhbcc.com/wp-content/themes/zibll/img/smilies/hanxiao.gif)
暂无评论内容